ALL Story Talent Poem Videos Memories Quotations Book Review health tips News Serial
ఉద్యమిస్తే అక్షరం.. అది దాశరథి రంగాచార్య (కవిత) రచన:- లిఖిత్ కుమార్ గోదా
August 24, 2020 • T. VEDANTA SURY • Poem

తెలుగు సాహితీ కుటుంబ సదనంలో
అందమైన నవలా చక్రవర్తి
మన దాశరధి రంగాచార్యులు.
తెలంగాణ జన జీవనం, రైతాంగ పోరాట నేపథ్యాన్ని జీవ శక్తిగా మలచుకుని,
తెలుగువారి సాంస్కృతిక జీవనాన్ని
తన పదునైన దీటైన నవలలతో
మయసభలా చిత్రించిన కళావల్లభుడు.
వరదాచార్యులుచే "గద్య దాశరధి" అని
పేర్మితో పిలిపించుకున్న రతనాల సారధి.
"చిల్లర దేవుళ్ళు, మోదుగు పూలు,జనపదం
జీవనయానం, రానున్నది ఏది నిజం"
వంటి మహత్తర రచనలకు పురుడు పోసిన
తెలుగు సాహితీ తేజం మన రంగాచార్య.
నవల రచన చరిత్రలో
పాత్రోచిత యాసను ప్రవేశ పరిచిన మహా పురుషుడు.
అక్షరం మానవ రూపం దాల్చి
ఉద్యమిస్తే అది దాశరధి రంగాచార్యనే.