ALL Story Talent Poem Videos Memories Quotations Book Review health tips News Serial
ఏది ...ముఖ్యం ..!!--డా.కె .ఎల్.వి.ప్రసాద్ ,--హనంకొండ ,వరంగల్ .-9866252002--8886991785
October 5, 2020 • T. VEDANTA SURY • Poem

ఉదయమే 

లేవడం ...

ఎంతముఖ్యమో 

రాత్రివేళ ...

త్వరగా నిద్రపోవడం ,

అంతేముఖ్యం ..!
కాలకృత్యాలు -

ఎంతముఖ్యమో ,

కనీస వ్యాయామం ,

అంతే ముఖ్యం!
నిన్న చేసిన పనులు 

 ఎంతముఖ్యమో ...

రేపటికోసం వాటి 

వివరాలు ...

డైరీలో నమోదు 

చేయడం --

అంతేముఖ్యం ...!
లేచిన వెంటనే ...

దంత ధావనం 

ఎంతముఖ్యమో ,

అల్పాహారం ....

తీసుకోవడం కూడా ,

అంతే ముఖ్యం ...!
రాత్రి ...

పడక ,

ఎంతముఖ్యమో ,

ఉదయం ...

నడక కూడా ,

అంతే ..ముఖ్యం !
చదువు ఎంత ముఖ్యమో,

సారాంశం రాయడమూ..

అంతే ముఖ్యం ...!
తల్లి దండ్రుల ప్రేమను 

పొందడం...

ఎంత ముఖ్యమో ,

వారిని ప్రేమించడమూ ,

అంతే ముఖ్యం ..!
బంధువుల /స్నేహితుల ,

పలకరింపు ఆశించడం ,

ఎంతముఖ్యమో ....

వారిని పలకరించడమూ ,

అంతేముఖ్యం ...!
ఇతరులనుండి ,

మర్యాద ఆశించడం 

ఎంతతముఖ్యమో ...

వారి పట్ల ....

మర్యాదగా వుండడమూ ,

అంతేముఖ్యం ...!
పుచ్చుకునే ఆలోచన ఉంటే ,

ఇచ్చే ..ఆలోచన కూడా ,

అంతేముఖ్యం ...!
హక్కుల కోసం ...

ఆరాటపడడం ,

ఎంతముఖ్యమో ...

బాద్యతలను గుర్తెరగడమూ ,

అంతే ..ముఖ్యం ..!
జీవితం అంటేనే --

ఇచ్చి -పుచ్చుకోడం కదా ..!!