ALL Story Talent Poem Videos Memories Quotations Book Review health tips News Serial
పిల్లలు వెలుగుదివ్వెలు: -- జగదీశ్ యామిజాల
November 1, 2020 • T. VEDANTA SURY • Poem
  • పిల్లలు
    అద్భుతాలకూ
    అపురూపాలకూ
    ప్రతిరూపాలు
  • పిల్లలు
    దేవుడిచ్చిన కానుకలు
    కనుకే
    వారితో ఉంటున్నంతసేపూ
    మనసులో 
    ఏ కల్మషాలూ 
    ఏ కలతలూ ఉండవు
    అసలవి స్ఫురణకే రావు
  • క్షణాలు గుర్తుకు రావు
    అల్లంతలోనే క్షణాలన్నీ కరిగిపోయేయా
    అన్పిస్తుంది
    పిల్లలనుంచి ఇవతలకు
    వచ్చినప్పుడు
  • పిల్లల్లై పిల్లలతో కలసిమెలసి
    కాలాన్ని గడిపెయ్యాలి
  • పెరిగి పెద్దవడాన్నెవరూ 
    అడ్డుకోలేరూ కానీ
    మనసునిండా
    పసితనాన్ని నింపుకోవడాన్నెవరూ
    ఆపలేరు
  • జీవితాంతం 
    పిల్లల మనస్తత్వం 
    కలిగి ఉంటే
    ఎంత హాయో అనుభవజ్ఞులకే
    తెలుస్తుంది
  • పెద్దలెన్ని సుద్దులు చెప్పినా
    పిల్లలకూ 
    మంచితనాన్ని చెప్పడంలో
    ఎప్పుడూ ఆలోచించక్కర్లేదు
  • పిల్లలూ!
    మిమ్మల్నీ
    మీ కలలనూ చెక్కాలనుకునే
    శిల్పులతో నిర్మొహమాటంగా 
    చెప్పండి....
  • "మీ చనువుతో
    మీ తొందరపాటుతో
    మా కలలను ముక్కలు చేయకండి
    మా కలల పంట 
    పండేందుకు దోహదపడండి తప్ప
    నిద్రపుచ్చకండని"