ALL Story Talent Poem Videos Memories Quotations Book Review health tips News Serial
మనోబలం---సాకి, పద్యకవి.
October 11, 2020 • T. VEDANTA SURY • Poem

ఒంటరిని నేనని

వెంటెవరు లేరని

గమనంలో విసిగిపోవద్దు....
గమ్యం చేరేందుకు ఆగిపోవద్దు....
గగనమెంత విశాలమో
సాగరమెంత విశాలమో
ఓ సారి పరికించి చూడు!?
పయనానికి పనికొచ్చే పాఠాలెన్నో తెలుసుకో!!
పక్షి ఎగరగల్గింది..
చేప ఈదగల్గింది...
పక్షికున్న చక్షువు నీకు లేదా!
చేపకున్న చేవ నీకు లేదా?
ఎంత దృష్టి పక్షికుందో
ఎంత నిబ్బరం చేపకుందో
తెలుసుకుంటే
తేటతెల్లమగును..
జీవిత పాఠాలెన్నో.. ఎన్నోన్నో....
ప్రతి మనిషి
ఆత్మచక్షువు తెరవాలి..
ప్రతి మనిషి
మనోబలం నిలపాలి.....