ALL Story Talent Poem Videos Memories Quotations Book Review health tips News Serial
సుమతీ శతకం పద్యం (౮౩-83) పులిపాలు దెచ్చి యిచ్చిన నలవడఁగా గుండెకోసి యరచే నిడినన్ దలపొడుగు ధనముఁ బోసిన వెలయాలికిఁ గూర్మిలేదు వినురా సుమతీ! తా.: ఓ మంచి తెలివి గల బుద్ధిమంతుడవైన, సుమతీ..... ఈ ప్రపంచంలో వున్న వెలయాలు/బోగము స్త్రీల లక్షణాలు ఇక్కడ చెపుతున్నారు. పులిపాలు దొరకడం అసాధ్యం. అలాంటి పులిపాలు యిచ్చినా, ఎంతో ఇష్టంగా మన గుండె కోసి చేతిలో పెట్టినా, తన నిలువెత్తు ధనం యిచ్చినా కూడా వెలయాలికి/బోగం స్త్రీల కు అనురాగం, ప్రేమ కలగదు .... ..... అని సుమతీ శతకకారుని వాక్కు. *ఈ భుమి మీద కులీనురాలైన సంసార పక్ష స్త్రీ ప్రాధాన్యత గురించి పై పద్యం లో శతక కారులు చెప్పకనే చెప్పారు. మన జీవిత భాగస్వామి దగ్గర దొరకనిదేదో బయట తెచ్చుకోవాలి/పొందాలి అని ఎంత ప్రయత్నించినా అది వృధాప్రయాసే. వెలయాలికి ఇవ్వాలనుకున్న పులిపాలు, గుండె, నిలువెత్తు ధనం మన ఇంటి మనిషికి ఇవ్వ కలిగితే మన ఇల్లు స్వర్గమే అవుతుంది. ఇవన్నీ ఇవ్వకపోయినా, చక్కగా కలసి మెలసి వుండ గలిగితే చాలు. దొరకని వాటి కోసం అర్రులు చాచి పరుగెత్తే కంటే, వున్న దానితో సంతృప్తి పొందాలి* అని భావం .....ఓం నమో వేంకటేశాయ Nagarajakumar.mvss
August 1, 2020 • T. VEDANTA SURY • Poem