జర సోయికి రాండ్రి .. ————————- ఏందో .. ఈ కత అర్థమే అయితలేదు ... కరోనాను ఖతం సేత్తం ఖతం సేత్తం అంటాండ్రు సందిస్తే సాలు సర్రుమని రోడ్ల మీదికి ఉరుకుతున్నరు అరె .. పాణం మీద సోయి లేదా వాండ్లకు ... మన పాణాల్ని సల్లంగ సూసేటోళ్ల మీదికే సెయ్యెత్తుతున్నరు ... జర సోచాయించుండ్రి గిట్ల బయటకు రాకుండ్రి అన్నోళ్ల సెయ్యి నరుకుతున్నరు ... పెద్దోళ్ళు సెప్పిన మాటింటే పెయికేమన్నా గాబరా అయితాందా .. ఇంట్ల కూసొమ్మంటే ఇంతెత్తున లేత్తాండ్రు .. అసలు జన కాలుష్యం లేకనే కదా బయటంత గింత సక్కంగున్నది .. సెప్పినట్టు వింటే .. మనం బయటకొచ్చినా సక్కగనే ఉంటది ... ఇప్పుడయినా చెట్లను నరుకుడు మానుండ్రి రంగుల బొమ్మల్తో చెరువులను కల్తీ సేయకుండ్రి జీవహింస బంద్ సేయుండ్రి మనిషిని మనిషిగా మనసుతో సూడుండ్రి ... మనం మంచిగుంటే భూమితల్లికి గింత కోపమెందుకొస్తది గిట్ల మహమ్మారిని ఎందుకు పుట్టిస్తది ... జర గిప్పుడన్న సోయికి రాండ్రి అందరం సక్కగ సోచాయిస్తే భూమాత మనల్ని సల్లంగ చూస్తది మహమ్మారిని అంతం చేస్తది ... — మాదారపు వాణిశ్రీ హన్మకొండ సెల్ : 9247286668