రామాయణం‌ నుండి108 ప్రశ్నలు –జవాబులు!:----సుజాత.పి.వి.ఎల్.

 1.ప్ర: శ్రీ మద్రామాయణము రచించిన మహర్షి ఎవరు?

జ:- వాల్మీకి.

2.ప్ర: వాల్మీకి మహర్షికి రామాయణ గాథను ఉపదేశించిన ముని ఎవరు?

జ:- నారదుడు.

3.ప్ర: రామకథను వినిన తర్వాత వాల్మీకి మహర్షి, మధ్యాహ్న స్నానానికి ఏ నదికి వెళ్లాడు?

జ:- తమసా నది.

4.ప్ర: శ్రీమద్రామాయణంలో మొత్తం ఎన్ని శ్లోకాలు వున్నాయి?

జ:- 24,000.

5.ప్ర: శ్రీమద్రామాయణాన్ని గానము చేస్తూ మొదట ప్రచారం చేసిందెవరు?

జ:- కుశలవులు.

6.ప్ర: అయోధ్యా నగరం ఏ నది ఒడ్డున ఉన్నది?

జ:- సరయూ నది.

7.ప్ర: అయోధ్య ఏ దేశానికి రాజధాని?

జ:- కోసల రాజ్యం.

8.ప్ర: దశరథ మహారాజుకు ఆంతరంగికుడైన మంత్రి ఎవరు?

జ:- సుమంత్రుడు.

9.ప్ర: దశరుథుని భార్యల పేర్లు ఏమిటి?

జ:- కౌసల్య, సుమిత్ర, కైకేయి.

10.ప్ర: సంతానం కోసం దశరథుడు చేసిన యాగం పేరు?

జ:- పుత్రకామేష్ఠి.

11.ప్ర: యజ్ఞకుండమునుండి వెలువడిన దివ్య పురుషుడు ఇచ్చిన పాయసాన్ని దశరథుడు తన భార్యలకు ఎట్లు పంచెను?

జ:- కౌసల్యకు 50%, సుమిత్రకు 25%, కౌకేయికి 12.5%, మిగిలిన 12.5% మళ్లీ సుమిత్రకు.

12.ప్ర: బ్రహ్మదేవుని ఆవలింత నుండి పుట్టిన వారెవ్వరు?

జ:- జాంబవంతుడు.

13. ప్ర: వాలి ఎవరి అంశతో జన్మించెను?

జ:-  దేవేంద్రుడు.

14.ప్ర: వాయుదేవుని వలన జన్మించిన వానరుడెవరు?

జ:- హనుమంతుడు.

15.ప్ర: కౌసల్య కుమారుని పేరేమిటి?

జ:- శ్రీరాముడు.

16.ప్ర: భరతుని తల్లి పేరేమిటి?

జ:- కైకేయి.

17.ప్ర: రామలక్ష్మణ భరత శత్రుఘ్నలలో కవలలు ఎవరు వారి తల్లి పేరేమిటి?

జ:- లక్ష్మణ, శత్రుఘ్నులు- తల్లి సుమిత్ర.

18.ప్ర: రామలక్ష్మణ భరత శత్రుఘ్నులకు నామకరణము చేసిన మహర్షి ఎవరు?

జ:- వసిష్ఠుడు.

19.ప్ర: విశ్వామిత్రుడు వచ్చేనాటికి రాముని వయస్సు?

జ:- 12 సంవత్సరములు.

20.ప్ర: విశ్వామిత్రుని యజ్ఞానికి విఘ్నాలను కల్పిస్తున్న రాక్షసులెవరు?

జ:- మారీచ, సుబాహులు.

21.ప్ర: రామునికి అలసట, ఆకలి లేకుండా వుండుటకు విశ్వామిత్రుడు ఉపదేశించిన మంత్రం పేరేమిటి?

జ:- బల-అతిబల.

22.ప్ర: విశ్వామిత్రుని ఆశ్రమం పేరు?

జ:- సిద్ధాశ్రమం.

23.ప్ర: తాటక భర్త పేరేమిటి?

జ:- సుందుడు.

24.ప్ర: తాటకను శపించిన మహర్షి ఎవరు?

జ:- అగస్త్యుడు.

25.ప్ర: గంగను భూమికి తెచ్చుటకు తపస్సు చేసినదెవరు?

జ:- భగీరథుడు.

26.ప్ర: గంగకు జాహ్నవి అనే పేరు ఎందుకు వచ్చెను?

జ:- జహ్ను మహర్షి చేత త్రాగివేయబడుటచే.

27.ప్ర: అహల్య భర్త ఎవరు?

జ:- గౌతమ మహర్షి.

28.ప్ర: జనక మహారాజు ఆస్థాన పురోహితుడెవరు?

జ:- శతానందుడు.

29.ప్ర: సీత ఎవరికి జన్మించెను?

జ:- నాగటి చాలున జనకునికి దొరికెను.

30. ప్ర: శివుడు తన ధనుస్సును ఏ మహారాజు వద్ద వుంచెను?

జ:- దేవరాతుడు.

31.ప్ర: శివధనుస్సును తయారు చేసినదెవరు?

జ:- విశ్వకర్మ.

32.ప్ర: భరత శత్రుఘ్నల భార్యల పేర్లు?

జ:- మాండవి, శృతకీర్తి.

33.ప్ర: లక్ష్మణుని భార్యయైన ఊర్మిళ తండ్రి ఎవరు?

జ:- జనకుడు.

34.ప్ర: జనకుడి తమ్ముడి పేరు ఏమిటి?

జ:- కుశధ్వజుడు.

35.ప్ర: పరశురాముడు శ్రీరామునికి యిచ్చి ఎక్కుపెట్టమన్న ధనుస్సు పేరేమిటి?

జ:- వైష్ణవ ధనుస్సు.

36.ప్ర: భరతుని మేనమామ పేరు ఏమిటి?

జ:- యధాజిత్తు.

37.ప్ర: దశరధుని వరాలు కోరమని కైకను ప్రేరేపించినదెవరు?

జ:- మంధర.

38.ప్ర: కైక దశరథుణ్ణి వరాలు కోరినపుడు భరతుడెచట వుండెను?

జ:- గిరివ్రజపురం, మేనమామ యింట.

39.ప్ర: రాముని మిత్రుడు గుహుడు వుండే ప్రాంతమేది?

జ:- శృంగిబేరపురం.

40.ప్ర: సీతారాములు తమ వనవాసం మొదటిరోజు రాత్రి ఏ వృక్షం క్రింద నిద్రించెను?

జ:- గారచెట్టు.

41. ప్ర: శ్రీరాముని వనవాసమునకు చిత్రకూటము తగినదని సూచించిన ముని ఎవరు?

జ:- భారద్వాజ ముని.

42.ప్ర: పర్ణశాలకు సమీపములోని నది పేరేమిటి?

జ:- మాల్యవతీ.

43.ప్ర: దశరథుని శవమును భరతుడు వచ్చే వరకు ఏడు రోజులపాటు ఎక్కడ భద్రపరిచారు?

జ:- తైలద్రోణములో.

44.ప్ర: శ్రీరామునితో నాస్తికవాదన చేసినదెవరు?

జ:- జాబాలి.

45.ప్ర: భరతుడు రాముని పాదుకలనుంచిన పట్టణమేది?

జ:-నంది గ్రామము.

46. ప్ర: అత్రిమహాముని భార్య ఎవరు?

జ:-.అనసూయ.

47.ప్ర: దండకారణ్యంలో రామలక్ష్మణులను ఎదుర్కొన్న మొదటి రాక్షసుడెవరు?

జ:- విరాధుడు.

48.ప్ర: పంచవటిలో నివసింపుమని రామునికి సలహా ఇచ్చినదెవరు?

జ:- అగస్త్యుడు.

49. ప్ర: పంచవటి ఏ నదీతీరమున ఉన్నది?

జ:- గోదావరి.

50. ప్ర: లక్ష్మణుడు ఎవరి చెవులు ముక్కు కోసెను?

జ:- శూర్ఫణఖ.

51.ప్ర:  ఖరదూషణాది పదునాలుగు వేల మంది రాక్షసులు ఎక్కడినుండి పంచవటికి వచ్చెను?

జ:- జనస్థానము.

52.ప్ర: సీతను అపహరించుటకు రావణుడు ఎవరి సహాయము కోరెను?

జ:- మారీచుడు.

53.ప్ర: సీత రాముడిని కోరిన మాయా మృగం ఏది?

జ:- బంగారులేడి.

54.ప్ర: సీతను తీసుకుపోతున్న రావణునితో యుధ్ధము చేసిన పక్షి ఎవరు?

జ:- జటాయువు.

55.ప్ర: సీతను అన్వేషించుచున్న రామలక్ష్మణులకు అరణ్యములోని మృగములు ఏ దిక్కుకు సంకేతము చూపెను?

జ:- దక్షిణపు దిక్కు.

56.ప్ర: సీతాన్వేషణలో వున్న రామలక్ష్మణులు ఏ రాక్షసుని హస్తములలో చిక్కుకొనెను?

జ:- కబంధుని.

57.ప్ర: సీతాన్వేషణలో రామలక్ష్మణులు చేరుకున్న శబరి ఆశ్రమం ఏ నదీ తీరాన, ఏ వనంలో వున్నది?

జ:- మతంగ వనం, పంపానదీ.

58.ప్ర: సుగ్రీవాదులు ఏ పర్వత ప్రాంతంలో నివసించు చుండెను?

జ:- ఋష్యమూక పర్వతం.

59.ప్ర: రామలక్ష్మణులను గురించి తెలుసుకొనుటకై వారివద్దకు సుగ్రీవుడు ఎవరిని పంపెను?

జ:- హనుమంతుడు.

60.ప్ర: రామసుగ్రీవుల మైత్రి ఎవరి సాక్షిగా జరిగెను?

జ:- అగ్ని సాక్షిగా.

61.ప్ర: రాముడు తన బాణములు దేనితో తయారు చేయబడినవని సుగ్రీవునికి చెప్పెను?

జ:- కుమారస్వామి జనించిన వనములోని బంగారు కాండములు.

62.ప్ర: సుగ్రీవుని భార్య పేరు?

జ:- రుమ.

63.ప్ర: వాలి భార్యపేరు?

జ:- తార.

64.ప్ర: వాలి సుగ్రీవుల రాజ్యము పేరేమిటి?

జ:- కిష్కింధ.

65.ప్ర: వాలిని కవ్వించి పారిపోయి బిలంలో దాక్కున్న రాక్షసుడు పేరేమిటి?

జ:- మాయావి.

66.ప్ర: హిమవంతుని సలహాతో వాలితో యుద్ధానికి వచ్చిన రాక్షసుడు ఎవరు?

జ:- దుందుభి.

67.ప్ర: వాలి విసిరిన దుందుభి కళేబరం ఎవరి ఆశ్రమంలో పడెను?

జ:- మతంగముని.

68.ప్ర: వాలి కుమారుని పేరేమిటి?

జ:- అంగదుడు.

69.ప్ర:  రాముడు ఒకే బాణంతో ఎన్ని సాలవృక్షములను భేదించెను?

జ:- ఏడు.

70.ప్ర:  సుగ్రీవుని రాజ్యాభిషేకము తర్వాత రామలక్ష్మణులు ఎక్కడ నివసించెను?

జ:- ప్రసవణగిరి.

71.ప్ర:  సీతాన్వేషణ కోసం సుగ్రీవుడు *తూర్పు* దిక్కుకు పంపిన వానర సేనకు నాయకుడెవరు?

జ:- వినతుడు.

72.ప్ర: సీతాన్వేషణ కోసం సుగ్రీవుడు *దక్షిణ* దిక్కుకు పంపిన వానర సేనకు నాయకుడెవరు?

జ :- అంగదుడు.

73.ప్ర:  సుగ్రీవునికి,  సీతాన్వేషణ కోసం *పశ్చిమ* దిక్కుకు పంపబడిన సుషేణునికి బంధుత్వమేమిటి?

జ:- మామగారు, తార తండ్రి.

74.ప్ర: సీతాన్వేషణ కోసం సుగ్రీవుడు *ఉత్తర* దిక్కుకు పంపిన వానర సేనకు నాయకుడెవరు?

జ- శతబలుడు.

75.ప్ర:  సీతాన్వేషణ కోసం సుగ్రీవుడు వానరులకు ఎంత సమయం గడువిచ్చెను? 

జ:- మాసం (ఒక నెల).

76.ప్ర: హనుమంతుడు ఏ దిక్కుకు వెళ్లిన వానరసేనలో వుండెను?

జ:- దక్షిణ దిక్కు.

77.ప్ర:  సీతకు ఆనవాలు కొరకై రాముడు హనుమంతునికి ఏమిచ్చెను?

జ:- తన (రామ) పేరు చెక్కబడిన ఉంగరము.

78.ప్ర: హనుమంతుడు మొదలైన వానరులు చిక్కుకున్న బిలం (లోయ)లో వున్న తాపసి పేరేమిటి?

జ:- స్వయంప్రభ.

79. ప్ర: సముద్రమవతల వున్న రావణునిని, సీతను చూడగల్గుతున్నానని వానరులకు చెప్పిన పక్షి పేరేమిటి?

జ:- సంపాతి.

80.ప్ర:  హనుమంతుని తల్లి యైన అంజన అసలు పేరు?

జ:- పుంజికస్థల.

81. ప్ర: హనుమంతుడు సముద్రమును లంఘించుటకు ఎక్కిన పర్వతం పేరేమిటి?

జ:- మహేంద్రపర్వతము.

82.ప్ర: హనుమంతుడు సముద్రం దాటుతున్నపుడు విశ్రమించమంటూ ఆతిధ్యమిచ్చిన పర్వతం ఎవరు?

జ:- మైనాకుడు.

83.ప్ర: హనుమంతుని శక్తిని పరీక్షించుటకు దేవతలు సముద్రంలో నియమించిన నాగమాత పేరేమిటి?

జ:- సురస.

84.ప్ర:  హనుమంతుని నీడను ఆకర్షించి హనుమంతుని తనవైపు లాగిన సముద్ర జంతువు పేరేమిటి?

జ- సింహిక.

85.ప్ర:  హనుమంతుడు లంఘించిన సముద్రం పొడవెంత?

జ:- నూరు యోజనములు.

86.ప్ర:  లంకలో హనుమంతుడు దిగిన పర్వతం పేరేమిటి?

జ: లంబ పర్వతం.

87.ప్ర: హనుమంతుడు సీతను కనుగొన్న వనం పేరేమిటి?

జ;- అశోక వనం.

88. ప్ర: రావణుడు సీతకు ఎన్ని మాసములు గడువిచ్చెను?

జ:- రెండు.

89.ప్ర: రామునకు విజయము, రాక్షసులకు వినాశము వచ్చునని కలగన్న రాక్షస స్త్రీ ఎవరు?

జ:- త్రిజట.

90. ప్ర:  హనుమంతుడు చెట్టుపై దాగివుండి సీతకు వినబడునట్లు ఎవరి కథ వినిపించెను?

జ- రామ కథ.

91.ప్ర: రామునికి నమ్మిక కలుగుటకై సీత హనుమంతునికి యిచ్చిన ఆభరణం పేరేమిటి?

జ:- చూడామణి.

92.ప్ర:  హనుమంతుడు లంకలో ఎంతమంది రావణుని కింకరులను వధించెను?

జ:- ఎనభై వేలమంది.

93. ప్ర: హనుమంతుడు ఎవరి అస్త్రముచే బంధింపబడి రావణుని వద్దకు పోయెను?

జ:- ఇంద్రజిత్తు సంధించిన బ్రహ్మాస్త్రం.

94.ప్ర: దూతను వధించుట తగదని రావణునికి బోధించినదెవరు?

జ:- విభీషణుడు.

95. ప్ర: తిరిగి వచ్చిన హనుమంతునితో కలసి వానరులు ఆనందంతో ధ్వంసం చేసిన సుగ్రీవునికి యిష్టమైన వనం పేరేమిటి?

జ- మధువనం.

96. ప్ర: వానరులు వనం ధ్వంసం చేస్తున్న విషయం సుగ్రీవునికి చేరవేసిన దెవరు?

జ:- మధువన రక్షకుడూ, సుగ్రీవుని మేనమామ ఐన దధిముఖుడు.

97.  ప్ర: సీత జాడ తెలుసుకుని వచ్చిన హనుమంతునికి రాముడిచ్చిన బహుమతి?

జ:- ఆలింగన సౌభాగ్యం.

98. ప్ర: సముద్రం దాటుటకు నూరు యోజనములు సేతువు నిర్మించిన వానర ప్రముఖుడి పేరేమిటి?

జ:- నీలుడు.

99. ప్ర: ఇంద్రజిత్తు ఏ ప్రదేశంలో హోమం చేయుచుండగా లక్ష్మణుడు వధించెను?

జ:- నికుంభిల.

100. ప్ర:- మునికి ఆదిత్యహృదయం స్తోత్రమును ఉపదేశించిన ముని ఎవరు?

జ:- అగస్త్యుడు.

101.ప్ర:  రావణుని వధించుటకు రామునికి రథం పంపినదెవరు?

జ:- ఇంద్రుడు.

102.ప్ర:  రామ రావణ యుద్ధంలో రాముని రథసారధి ఎవరు?

జ:- మాతలి.

103.ప్ర:  రావణ వధానంతరం లంకనుండి సీతారామ లక్ష్మణ వానరులతో బయలుదేరిన పుష్పకవిమానం అయోధ్య చేరేలోపు ఎక్కడ, ఎవరికోసం ఆగుతుంది?

జ:- కిష్కింధలో, వానరుల భార్యలు కూడా పుష్పకవిమానంలో ఎక్కడం కోసం!

104.ప్ర: గుహునికి, భరతునికి తన రాకను తెలియచేయుటకు శ్రీరాముడు ఎవరిని ముందుగా పంపెను?

జ:- హనుమంతుడు.

105.ప్ర: అయోధ్యలో సీతారాముల ఊరేగింపు సమయంలో సుగ్రీవుడు ఎక్కిన ఏనుగు పేరేమిటి?

జ:- శత్రుంజయం.

106. ప్ర: శ్రీరాముడు అయోధ్యలో సుగ్రీవునికి అతిధి గృహంగా ఎవరి భవనము నిచ్చెను?

జ:- స్వయంగా తన భవనమునే యిచ్చెను.

107.ప్ర:  పట్టాభిషేక సమయంలో శ్రీరామునికి అలంకరించిన కిరీటం పూర్వం ఎవరిచే తయారు చేయబడినది?

జ:- బ్రహ్మ.

108.ప్ర: శ్రీరామ పట్టాభిషేకం తర్వాత సీతాదేవి హనుమంతునికిచ్చిన బహుమతి ఏమిటి?

జ:- తన మెడలోని ముత్యాలహారం.