పిచ్చుక:--ఎం. వి. ఉమాదేవి.

పిచ్చుకమ్మ పిచ్చుకమ్మ 

పొలాలనే మెచ్చునమ్మ

బుజ్జి పొట్ట నిండుగాను 

గింజలుతిని ఎగురునమ్మ!

వారెవ్వా పిచ్చుకలు 

ప్రకృతిలో చిరు పిట్టలు !

 ఇవి రెండు రకాలుండును 

పెద్దవేమొ పొలం పిచుక 

ఊర పిచుకలు చిన్నవండి

కిటికీలు,చూరున పిచుక 

వారెవ్వా గూడుకట్టు 

గూటిలోన గుడ్లు పెట్టు !

 తల్లి పిచుక పొదుగు చుండు 

తండ్రి పిచుక తిండి తెచ్చు 

బుల్లి పిచుకలొచ్చి చాల

గోల చేయ బువ్వ తెచ్చు 

వారెవ్వా లార్వాలు 

పిచ్చుకపిల్లల అప్పచ్చులు !

 ఇల్లంతా ఒక సందడి 

ఇంటివారికి శుభమగును 

పిచ్చుకలు మనమిత్రులే

వేయుము కొన్ని గింజలను 

వారెవ్వా చిన్ని ముక్కు 

వడ్లు వొలిచే పని ముట్టు !

 సెల్లు టవరు దాపురించె 

పిచుకమ్మలు పారి పోయె 

రేడియేషను ధాటికవి 

పొలిమేరకు చేరిపోయె 

వారెవ్వా మనిషి స్వార్థం 

పర్యావరణముకు నష్టం !