లాంతర్ చిమ్ని - (బాల గేయం )

అల్లా ఉద్దీన్ అద్భుతలాంతర్ 

చమురు వత్తితో వెలిగే లాంతర్ 

పాత రోజుల చదువు సాధనం 

ఇంటికి ఒకటో రెండో అదనం 

దీపం బుడ్డి సంధ్య వేళలో 

ముగ్గు పిండితో తుడవాలి 

నిన్నటి రోజు మసి తొలిగించి 

వెలుగుకు సిద్ధం చేయాలి !

చమురు నిల్వను గమనించాలి 

వత్తికి నుసిని రాల్చేయాలి 

దీపం జ్యోతి పర బ్రహ్మమని 

వెలిగించి దండం పెట్టాలి !

మనసొక దీపం జ్ఞానం రూపం 

తనువును నడిపే తరుణోపాయం 

మూర్ఖత మసిని  తుడిచే యాలి 

 విజ్ఞత వత్తిని వెలిగించాలి!