శ్రీ శ్రీ:--పిల్లి.హజరత్తయ్య శింగరాయకొండ: ప్రకాశం-చరవాణి: 9848606573

41)కవిత్వసీమను విశాలతరం చేసి

అంతర్జాతీయ దృక్పథాన్ని కలిగించిన

తెలుగుసాహిత్యపు మహాకవి శ్రీ శ్రీ

*చూడచక్కని తెలుగు సున్నితంబు*

42)ఇతిహాసపు చీకటి కోణాలను

దాచేస్తే దాగని సత్యాలను

వెలికితీసిన మహానుభావుడు శ్రీ శ్రీ

*చూడచక్కని తెలుగు సున్నితంబు*

43)దీనులను హృదయానికి హత్తుకున్నాడు

హీనులకోసం కలం పట్టి

అభ్యుదయ కవులకు ఆదర్శప్రాయుడైనాడు

*చూడచక్కని తెలుగు సున్నితంబు*

44)సంఘనీతిని,కట్టుబాట్లనుధిక్కరించినాడు

ఉద్యమాలలో చురుకైనపాత్ర వహించినాడు

తెలుగుజాతికి వెలుగుబాటను చూపినాడు

*చూడచక్కని తెలుగు సున్నితంబు*

45) లోకం ప్రతిఫలించే విధంగా

జాతిజనులు పాడుకునే మంత్రంగా

కవిత్వాన్ని తెలుగుజాతికి అందించినాడు

*చూడచక్కని తెలుగు సున్నితంబు*