తెలుగమ్మాయి :-ఎం.వి. ఉమాదేవి నెల్లూరు

పైట పావడ జాకెట్టు 

యవ్వనానికి తొలిమెట్టు 

గాజులు గలగల లాడేట్టు 

నవ్వుతు చేసే కనికట్టు !

సంస్కృతి చాటే తెలుగమ్మాయి 

భారతీయత వెలుగమ్మాయి 

బొట్టూ కాటుక పెట్టుకొని 

నట్టింట్లోని మహాలక్ష్మి కదోయి !

ఆటపాటల్లో మేటిగా ఉండు 

అభిప్రాయం సూటిగా ఉండు 

మనసు  స్వచ్ఛమే మల్లె చెండు 

తేటతెలుగులో మాటలుండు!

రంగవల్లులు,కోలాటాలు 

కూచిపూడి,కరాటే బెల్ట్ 

కృష్ణ శాస్త్రి,  సినారెల గీతం 

పాకశాస్త్రం తెలుగమ్మాయి సొంతం!