మా బుజ్జి కన్నయ్య:-గుర్రాల లక్ష్మారెడ్డి, కల్వకుర్తి.సెల్ నెంబర్.9491387977.నాగర్ కర్నూల్ జిల్లా.

బుజ్జి బుజ్జి కన్నయ్య

బుల్లి బుల్లి చిన్నయ్య

మారాము చేయకయ్య

మా రాజువు నీవయ్యా !

అమ్మతోడు నీకు లేకున్నా

అన్ని నేనై నేను నీకు ఉన్న

ఏడువకు రా నా కన్నా

ఏడిస్తే నిన్నెవరు ఎత్తుకోరన్న!

మీ అమ్మ జాడ లేకున్నా

మీ నాన్న కూడా రాకున్నా

నేను నీకు తోడుగా ఉన్నా

దిగులెందుకు రా ఓచిన్నా !

అమ్మ నీకు లేదురా

ఉన్న గాని రాదురా

ఏడవకు నీవు కన్నా

విడవకు నావేలన్నా. !

అమ్మలా నిన్ను నేను ఆడిస్తా

నాన్నలా నడకనే నేను నేర్పిస్తా

నీకు లాలపోసి ముస్తాబు చేస్తా

నిత్యం నిన్ను బడికి నే తోలిస్తా !

నే తాతలా  నిన్ను ఆడిస్తా

తాయిలాన్ని  ఇక తినిపిస్తా

వెతలన్నీంటిని మరి పిస్తా

కథలెన్నో నీకు వినిపిస్తా !