అతి వృష్టి - మణిపూసలు:~~~~వి.నర్సింహా చారి

చినుకులన్ని ఏకమాయె

ప్రవాహంగ మారిపాయె

నదులల్లో కలిసియిపుడు

వరదలతో పొంగిపాయె!!

అతివృష్టిని కలిగించెను

పంట నీట ముంచేసెను

తెలుగు రాష్ట్ర ప్రజలందరి

ఆశలనే త్రుంచేసెను!!

జీవజాతి ఆక్రందన

రైతన్నల ఆవేదన

ఎటుచూసినగానవచ్చె

దుర్బరమగు ఈ రోదన!!

ఆకలి మంటలురేగెను

పొలములజలములు నిండెను

ఈప్రకృతి విలయంతో

మనసులు బాధకు కుంగెను!!

ఊర్లను జనులును వదిలిరి

పట్టణవైపుకు కదిలిరి

బ్రతుకు భారమైతోచగ

పూట తిండికై వెదికిరి!!

దేవుడే కరుణించాలి

వరుణుడే శాంతించాలి

తోటివారి కిపుడుమనము

చేయూతనందించాలి!!

......మణికర్ణిక