సమ్మోహనాలు ;విజయసారథి (561-565);--ఎం. వి. ఉమాదేవి

జయ విజయ సారథీ 

సారథి మనోరథీ 

మనోరథ భావనలు నడిపించు శ్రీ కృష్ణ ! 

దాయాది పోరులో 

పోరున ధర్మంలో 

ధర్మమున నిలుచుటే నీ పథము శ్రీ కృష్ణ !

కౌరవ సంతానము 

సంతానపు కుటిలము 

కుటిలత్వమణుచుటకు సాయముగ శ్రీ కృష్ణ !

డిల్లపడి యర్జునుడు 

అర్జున రణ విముఖుడు 

విముఖునికి కర్తవ్య బోధనము శ్రీ కృష్ణ !

మహాద్భుత గీతనే 

గీత బోధించెనే 

బోధలో కర్మయోగముకలిసె శ్రీ కృష్ణ !!