అందం (బాలగేయం);-:- డా.గౌరవరాజు సతీష్ కుమార్.

మాపాపా మంచిది - మాపాపా మంచిది

మాపాపా అప్పుడప్పుడు - మారాం చేస్తూ వుంటది !!మాపాపా!!

మాపాపకాళ్ళకు వెండిపట్టాలు - అందంగా ఉంటాయి

పట్టాలులేక మాపాప - మారాం చేస్తూ వున్నది !!మాపాప!!

మాపాప చేతికి బంగారు గాజులు - అందంగా వుంటాయి

గాజులులేక మాపాప - మారాం చేస్తూ వున్నది !!మాపాప!!

మాపాప చెవులకు బంగారు దుద్దులు - అందంగా వుంటాయి 

దుద్దులులేక మాపాప - మారాం చేస్తూ వున్నది !!మాపాప!!

మాపాప ముక్కుకు వజ్రపు పుడక - అందంగా వుంటుంది

పుడకలేక మాపాప - మారాం చేస్తూ వున్నది !!మాపాప!!

మాపాప మెడకు బంగారు గొలుసులు - అందంగా వుంటాయి 

గొలుసులులేక మాపాప - మారాం చేస్తూ వున్నది !!మాపాప!!

మాపాప జడకు బంగారు గంటలు - అందంగా వుంటాయి 

గంటలులేక మాపాప - మారాం చేస్తూ వున్నది !!మాపాప!!

మాపాప నడుముకు వడ్డాణము - అందంగా వుంటుంది

వడ్డాణంలేక మాపాప - మారాం చేస్తూ వున్నది !!మాపాప!!

మాపాపకు చక్కని పట్టుపావడా - అందంగా వుంటుంది

పావడాలేక మాపాప - మారాం చేస్తూ వున్నది !!మాపాప!!