ఎవరమ్మ ఉండు (బాలగేయం);--రావిపల్లి వాసుదేవరావు-9441713136

మా పెరటితోటలో ఎవరమ్మ ఉండు

పరిమళాలు పంచే పూపొదలు ఉండు

మా ఊరు చెరువులో ఎవరమ్మ ఉండు

ఎరుపురంగుతో ఉన్న కలువపూలుండు

మా ఊరు అడవిలో ఎవరమ్మ ఉండు

మనసుకూ హాయిచ్చే పచ్చదనముండు

మా మావి తోటలో ఎవరమ్మ ఉండు

మధురంగా ఉండేటి మామిళ్ళు ఉండు

మా ఇంటి శాలలో ఎవరమ్మ ఉండు

చక్కని పాడిచ్చే గోమాతలుండు

మా ఊరి బడిలోన ఎవరమ్మ ఉండు

శ్రద్ధగా చదువుకొనే విద్యార్థులుండు