రక్షించండి @ కోరాడ నరసింహారావు

పువ్వు  వికసించి పరిమళిస్తేనే 

తుమ్మెద వాలుతుంది... !

      గానీ... !

 ఆడతనానికి వెర్రెత్తిపోయే మగ

పురుగు...వావి చూడదు,వరస

చూడదు ! చిన్నా - పెద్దా  తేడా కనిపంచదు !!

.  కామోన్మాదంతో కసుగాయల

లాంటి పసికందులనూ  నలిపి నాశనం చేసేస్తుంది... !

    అభం - శుభం తెలియని పసి

పిల్లలు...చాక్ లెట్లూ,బిస్కెట్ల కే 

బలై పోతున్నారు !

... పశుత్వాన్ని మించిపోయిన పైశాచికత్వం,కాలేజీలకూఉద్యో 

గాలకూవెళ్లేదారుల్లో మాటువేసి

పీక్కుతినే నక్కలూ, తోడేళ్ళూ, పులులూ స్వైర విహారంచేస్తున్న

ఈ సమాజంలో... ఆడతనం దిక్కుతోచక హడలిపోతోంది !

       అన్యాయంఐపోయినఅబ 

లలకు అండగా... నిలవాల్సిన హక్కులు  అన్యాయాలకూ... 

ఘోరనేరాలకూకొమ్ముకాయటం

    తగినశాస్తి జరిగిందని  సంతో షించక...దుర్మార్గాన్నిదండించిన

చట్టాన్నే  తప్పుపడుతున్న....     న్యాయ  స్థానం... !

    రెచ్చిపోతోంది అరాచకం... !! 

ఇదేనా...పరిణతి చెందిన సభ్య

సమాజం !?

          ఇదా.... మానపురోగతికి పరా కాష్ఠ ?!

        తల్లిదండ్రులారా... కేవలం కనటమేకాదు...పిల్లలనుబాధ్య 

తతో  పెంచండి !

    విద్యావేత్తలారా...చదువులు

కేవలం ఉద్యోగాలకోసమే కాదు 

  నైతిక విలువలు బోధించండి!

   చట్ట,న్యాయ పరి రక్షకులారా

జరిగినతప్పులు మళ్ళీజరగనం

తగా సత్వర కఠిన శిక్షలు విధిం చండి.... !

  ఓ హక్కుల పోరాట నేతలారా 

మీ కామెర్ల రోగాన్ని వదిలించు కొని...కాస్త బాధ్యతాయుతంగా ప్రవర్తించండి... !!

  ఈసమాజంలో....ఆడతనాన్ని

 రక్షించండి.... !

       *******