పింగళి వెంకయ్య ||;-మచ్చరాజమౌళి దుబ్బాక 9059637442

ఎగురుతోంది ఎగురుతోంది మువ్వన్నెల జెండా

ఎందరో వీరుల త్యాగఫలంగా భరతావని యెద నిండా

తెలుగువాడి తేజము ఆకాశం నిండా ప్రవహించెను

తెల్లవాడినెదిరించిన సాహసాలు దిక్దిగంతాలు వ్యాపించెను

రక్త తర్పణం ఒకరు చేస్తే మార్గదర్శకంగా మరొకరు 

చెఱసాలలో కొలువై కొందరుంటే

ఆత్మ బలిదానాలు చేశారు మరికొందరు

పరిచయమక్కరలేని పేరు కలవాడు

పచ్చని సంతకమైన మహాత్ముని సమకాలీకుడు

గెలుపు శిఖరాన్ని అధిరోహించిన సమరయోధుడు

బహుగొప్ప కానుక భరతజాతికతడు 

కులమత భేదాలకతీతంగా

జాతి వ్యక్తిత్వానికి ప్రతీకగా మన జాతీయ జెండా

ఆ జెండాకే రూపకర్త పింగళి వెంకయ్య 

అతడిని స్మరించుకుందాం 

మన గౌరవాన్ని మనమే నిలుపుకుందాం.. 

______