ధర్మము నిల నిలుపగ.....!; - కోరాడ నరసింహా రావు !

 శ్రీకృష్ణజన్మాష్టమి ప్రత్యేక గీతం!
======================
సాకీ :-
కృష్ణా...... కృష్ణా.... శ్రీకృష్ణా....
ఎన్నిమార్లు పిలిచినా.... 
  ఎన్నెన్నిమార్లు తలచినా.... 
    తనివి తీరదు, మాకు 
       తృప్తి కలుగదూ...... !
పల్లవి, :-
ధర్మము నిల నిలుపగ వెలసిన 
భగ వానుడ వీవయ్య... !
  ద్వాపరయుగమున అవతరిం చిన కృష్ణుడ వీవయ్యా..... 
   శ్రీకృష్ణుడ వీవయ్యా..... !
    " ధర్మము నిల నిలుపగ... "
అనుపల్లవి :-
శిష్టుల కష్ట సిద్దులనొసగి... 
 దుష్ట దనుజులను దునుమాడ 
  అష్టమినాడు పుట్టితివి.... 
    నీవు అష్టమి నాడుపుట్టితివి
ఆశ్రీతుల కష్టములన్నీ దీర్చితివి 
     కష్టములన్నీ దీర్చితివీ.... !!
       "ధర్మము నిల నిలుపగ..."
చరణం :-
 స్నేహమున కెంతొ విలువను ఇచ్చి... కుచేలునే బ్రోచితివి 
  నీవు కుచేలునే బ్రోచితివీ... 
 ఆర్తితో నిన్ను పిలిచినంతనే 
ద్రౌపది మానము గాచితివి 
నీవు ద్రౌపదిమానము గాచితివీ
     "ధర్మము నిల నిలుపగ..."
చరణం :-
అద్భుత గీతను బోధించిన ఆ చార్యుడ వీవయ్యా.... 
   ఆచార్యుడవీవయ్యా... !
   జన్మ కర్తవ్యమునుఎరిగించిన 
సద్గురువువు నీవయ్యా... !
  జగద్గురువువు నీవయ్యా... !! 
కృష్ణం వందే జగద్గురుమ్... 
శ్రీ కృష్ణం వందే  జగద్గురుమ్... 
  కృష్ణం వందే జగద్గురుమ్... 
శ్రీ కృష్ణం వందే  జగద్గురుమ్.. !!
     ******