జీవనపోరాటం- ఆశల ఆరాటంల-ఎం. వి. ఉమాదేవి బాసర

బ్రవున్ పేపర్లతో కుట్టిన 

సిరా పీల్చే నోట్స్ కాదు.. 

తెల్లని కొత్త నోటు పుస్తకాలు కొనాలి.. 

పెన్నులో సిరా కక్కరాదు 

వానలో బడికి చిన్ని గొడుగు 

సొంతంగా కావాలి.. 

అమ్మ మర్చిపోయి ఉతకనప్పుడు.., 

మూడో యూనిఫామ్ జత సిద్ధంగా ఉండాలి !

బాల్యం లో కోరికల చిట్టా !

ఊహల గువ్వల విహారంలో 

స్థాయి బేధం తెలిసాక.. 

ఇతరుల్లా ఉండాలనే ఆశకి 

ఫుల్ స్టాప్ పెట్టి, 

ఉన్నదాంతో సర్దుకుపోయే తత్వం 

జీవనపోరాటానికి ఋజువు !

ఒకటి మాత్రం సత్యం 

కోరుకున్నది దొరకడం కష్టం.. 

లభించింది నచ్చలేదనడం పిచ్చి 

కోరింది దొరికేవరకూ ప్రయత్నలోపం వద్దు 

ఆశల ఆరాటానికి నువ్వో తరాజువి... 

ఏది కావాలి ఏది వద్దు తుదినిర్ణయంలో !!