దసరా-ముత్యాల హారాలు!;-గుర్రాల లక్ష్మారెడ్డి, కల్వకుర్తి.సెల్.9491387977.నాగర్ కర్నూల్ జిల్లా.

సరదా సరదా దసరా

వస్తుంది నీవిక కనరా

దేవీ స్తోత్రం వినరా

జయహో మాతా అనరా !

దసరా పండుగ వస్తుంది

ఆనందాన్ని ఇస్తుంది

సంబరాలను తెస్తుంది

అందరినీ అలరిస్తుంది !

శుభోదయాన్నే లేస్తాం

మా స్నానం చేసేస్తాం

దుర్గామాతను పూజిస్తాం

వరమివ్వాలని అర్థిస్తాం!

బంధుమిత్రులను కలుస్తాం

విందు చేయుటకు పిలుస్తాం

బంగారం పంచేస్తాం 

మేం దీవెనల అర్థిస్తాం !

శాస్త్ర శోధన చేస్తాం

పర్వం ఫలమునూ చూస్తాం

నవరాత్రుల జరిపిస్తాం

జన జాతరను చూపిస్తాం !

జమ్మి కొమ్మను తెప్పిస్తాం

 బాపనయ్యను రప్పిస్తాం

పత్రిపూజలను చేసేస్తాం 

రాత్రి జనుల మురిపిస్తాం !

ఆయుధ పూజలు చేస్తాం

అగరొత్తులను ముట్టిస్తాం

బొమ్మల కొలువు పెట్టిస్తాం

హరి ఓం అని మేం రాస్తాం !

దేవుని గుడిని దర్శిస్తాం

గంటా నాదం చేస్తాం

డబ్బులు హుండిల వేస్తాం

తనివి తీరా మొక్కేస్తాం !

అక్షర లక్షలు రాసి

దేవీ పల్లకిని మోసి

శోభాయాత్రను చూసి

వస్తుందిలే మా మానసి !

మా దసరా వైభోగం

దశ దినాల అనురాగం

ఎగిరేటి మన విహంగం

ముగిస్తున్న ప్రసంగం. !