సుప్రభాత కవిత ; -బృంద

నిశీధిలో  అవనిలోని

అందాలూ చూసాయి...

ఉషస్సులో అంబరాన

సంబరాలు చూసాయి.

నింగికీ చెందనిదీ

నేలకూ దిగనిదీ....

నీలిమబ్బు అంతరంగం

ఎరిగింది ఒకటే...సముద్రం.

అలసిన మనసుకు

జోలలూ పాడగలవు

విరిసిన ఉత్సాహపు

చైతన్యదీపికలు కాగలవు

ఏ నావ గమ్యం ఏ తీరమో!?

ఏ మనసు తడి ఏ మమతదో!?

ఏ మబ్బు ఎక్కడ కురిసేనో!?

ఏ మనసు ఎందుకు మురిసేనో!?

ఏ అలలు ఏ వేపు నడుపునో!

ఏ నావ ఏ తీరం చేరునో!

అరుణకిరణాలు తాకి 

నింగి కనకవేదిక కాగా

పుత్తడి వెలుగుల తడిసిన

పుడమి ప్రభాతగీతం పాడె!

కెరటాల కదలికల నావ

తలవూచు చందాన సాగిపోయె!

సాగిపోవు  కాలంలో 

మళ్లీ  పొడిచిన మేలిపొద్దుకు

🌸🌸 సుప్రభాతం 🌸🌸