"తెలియునామీకు పిల్లలూ...?"(బాలగేయం :-)- కోరాడ నరసింహా రావు !

మన తెలుగునెలల పేర్లు... 

  తెలియునా మీకు పిల్లలూ ?

చైత్రముమొదలు...ఫాల్గుణము

వరకూ ఆరు ఋతువులతో... 

 అలరారే, పండ్రెండు తెలుగు 

.నేలలు మనకున్నవి... !

చైత్రములోనే... మోడులన్ని 

.చిగురించి, పచ్చదనముతో  

 ఆహ్లాదమును పంచును !

ఈ నెలలోనే... అమావాస్య 

.చీకట్లను చీల్చుకు...కలియుగ 

మ్ము  మొదలైనది... !

 ఆనందోత్సాహాలతొ మనము 

ఆ యుగాదినే...ఉగాదిగా... 

 ఆనందోత్సాహాల పండుగ 

  జరుపుకొందుము... !!

   ధర్మమునకు నెలవైన... 

 శ్రీరామచంద్రుని జననమును 

 కళ్యాణమును, భక్తి, శ్రద్ద లతొ 

 జరుపుచుందుము... !

మన రెండవనెల వైశాఖ          మాసము...!

 జగద్గురువు ఆదిశంకరులు... 

ఈ నెలలోనే పంచమి నాడు... 

పరమధర్మమును బోధించిన గౌతమ బుద్ధుడు పౌర్ణమినాడు 

 జన్మించి నారు... !

 సేవానిరతికి  ప్రతీకయైన

  హనుమపుట్టినదీ ఈనెలలోనే 

మన మూడవనెల... జ్యేష్ఠ     

  మాసము !

తదుపరి ఆషాడము... !!

 వరలక్ష్మీ, మంగళగౌరీ వ్రతము

 లతో అలరారే ఐదవ నెలయే

  శ్రావణము !  

  రాఖీ పండుగ..., స్వాతంత్ర్య దినోత్సవాలు, ఈ నెలలోనే !

మనఆరవనెలయేభాద్రపదము

 ఆదిపూజలందుకును గణేశ 

  నవరాత్రులు ఈ నెలలోనే... !

   వెనువెంటనె ఆదిశక్తిఅమ్మను  

నవదుర్గలుగా నవరాత్రులు 

  ఆరాధించి...విజయ దశమిగా 

దసరాపండుగ చేసుకునే ఆశ్వ యుజ మాసము...!

మనతెలుగునెలలలోఎనిమిదవది,శివునికి అత్యంతప్రీతిపాత్ర మైనది కార్తీకమాసం...!

దీపావళి పండుగ మరునాడే మొదలౌనీ మాసం... !!

కేశవుని నియమ నిష్టలతో.... ఆరాధించు మార్గశిర మాసమే 

మనతొమ్మిదవ తెలుగు నెల !

 పడవది... పుష్యమాసం..., 

ముచ్చటగా మూడురోజులు జరుపుకును సంక్రాంతి పండుగ 

ఈ నెలలోనే... !!

తదుపరి వచ్చే మాఘమాసము 

వివాహములకు శ్రేష్టమైన నెల !

 దినకరుడు సూర్య భగవానుని 

రధసప్తమి ఈ నెలలోనే... !!

మహాశివరాత్రి, హొలీ లతో... 

 ముగిసే మన చివరి తెలుగు నెల ఫాల్గుణ మాసం... !

మన పండ్రెండుతెలుగు నెలలూ

పండుగలు - పర్వదినములతో 

ఆనందాన్ని కలిగించు... !

.ఉత్సాహమునే  పెంచు... !!

మన తెలుగునెలల పేర్లూ... 

 మన పవిత్రమైన పండగలూ 

తెలిసినవికదా పిల్లలూ...., 

 మీరూ పెద్దయినాక, మీపిల్లల కూ... తెలియజెప్పండి పిల్లలు!

    ********