తెలుగు భాష; - యలమర్తి అనూరాధ--హైద్రాబాద్--చరవాణి:924726౦206

తెలుగుభాష మనదని వెలుగెత్తి చాటరా
మాట మాట కలపటానికి అనువైన వేళ ఇదేరా
తెలుగు వెలుగులు ప్రపంచానికందించగ 
కడలి తరంగంలా కదిలి రండి 
                   // తెలుగు//
మాటైనా పాటైనా
మాతృ భాష లోనే
అక్షరమైనా పదమైనా
ఆలాపన తెలుగులోనే 
సరిగమల సరాగమే మన భాష సొగసురా
తేనె కన్నా తీయనిది మన వాక్కని 
లోకానికి ఈ రీతిగ చాటాలి
                            // తెలుగు//
కష్టమనే రాయి తగలగానే
"అమ్మా!" అని పిలుస్తాం తలుస్తాం
ఏదైనా చెప్పాలనిపించగానే
పెదవి విప్పుతాం
అది వాణైనా బాణైనా తెలుగులోనే 
మరో భాష మనకొద్దని నినదిద్దాం 
మన తెనుగే ముద్దని తీర్మానిద్దాం
                            // తెలుగు//