కవి మిత్రుల హారాలు; - గుర్రాల లక్ష్మారెడ్డి కల్వకుర్తిసెల్.9491387977.నాగర్ కర్నూల్ జిల్లా.

అన్న సోమన్న గద్వాల

కలం రాసిన మధురిమల

అందించే పుస్తకాల

చదివి ఆనందించాల!

మన సోదరుడు సోమన్న

పుస్తక ప్రియుడే నన్న

విషయం తెలుసుకున్న

వారు గౌరవిస్తారన్న !

మన సోమన్న సోదరుడు

బాలల సాహిత్య ఘనుడు

తను కవులలో ప్రముఖుడు

పలు పొత్తముల పురుగతడు !

మన గద్వాల సోమన్న

బాల గేయాలు ఉన్న

పాలపుంత పొత్తమన్న

భలేగా ఉందిరన్న !

కవయిత్రి జ్యోతి వైద్య

హారాలు తో సయోధ్య

సాధన కాదులే మిధ్య

ఉన్నది ఆమె మన మధ్య !

మన జ్యోతి వైద్య గారు

మూడు వందలు వ్రాసారు

హారాల పేరు అల్లారు

అందులో ఎదుగుతున్నారు !

మూడు వందల హారాల

మేడం జ్యోతి వైద్యుల

అల్లిన అందాల మాల

గుభాలించు సుగంధాల !

జ్యోతి ముత్యాల హారాలు

మెరిసేటి తారకమణులు

కురిసేటి వరుణ ధారలు

పండేటి పాడిపంటలు !

కవయిత్రి శ్రీమతి జ్యోతి

హారాలు అల్లే భారతి

పొందేను అపరఖ్యాతి

ఆమెకు ఇవ్వాలి బహుమతి !

జ్యోతి వైద్య సోదరి

అల్లిన హారం శ్రీహరి

నామంపై ఆమె గురి

పొందెను ముక్తి మరి !

జ్యోతి వైద్య సంక్రాంతి

ముత్యాల హారాల ఖ్యాతి

హిమ శిఖరాగ్ర ఉన్నతి

కి ఇస్తున్నాం మా హారతి!

కవి మిత్రులు రారండి

వేదికను ఇక ఎక్కండి

హారాలను మరి అల్లండి

ముత్యాలను కురిపించండి !