* అక్షరాల పల్లకి *;- . కోరాడ నరసింహా రావు

అక్షరాల పల్లకిని... ఆనందంగా 

     మోయాలి   బాలలూ... !

నేడు బోయీలై మొస్తే... మీరు 

  రేపు ఆ పల్లకీయే... 

              మిము  మోస్తుంది !!

                 "అక్షరాల పల్లకిని"

 

చదువు యొక్క గొప్పతనం 

       తెలుసుకోండి పిల్లలూ...!

శ్రద్దావాన్ లభతేజ్ఞానం.... 

            అన్నారు పెద్దలు... !!

శ్రద్ధగ జ్ఞానము నార్జించి..... 

    వివేకవంతులు కావాలి !

మీప్రతిభయే దేశానికి... 

      గర్వకారణమవ్వాలి.. !!

 చదువు వలన సంస్కారం 

     చక్కగ మీకు అబ్బాలి... !

మీ సంస్కారంతో సమాజాన్ని 

      మీరే తీర్చి దిద్దాలి.... !!

             "అక్షరాల పల్లకిని... "

సుఖపడుతూ - సుఖపెడుతూ 

  అందరమానందంగా... 

           బ్రతకాలి.... !

చదువుకు  అర్ధము .... 

         పరమార్దమూ ఇదే..., 

 తెలుసుకోండి పిల్లలూ.... !

     ఈ మానవ జన్మను 

       సార్ధకం చేసుకోండిపిల్లలు

       "అక్షరాల పల్లకిని... "

    *******