చిత్రానికి భిన్నమైన ఊహతో కంద పద్యాలు; - సాహితీసింధు సరళగున్నాల

నీవెక్కడికేగితివని

చేవయెచావంగ నొకట చింతలతోడన్

తావిని గ్రోలని పురుగై

యీవనమందుంటి రార యీప్సితమలరన్

అయ్యో ! మాటల నాడక

కుయ్యోమని యొక్కటన్న కుదురునె లేకన్

పొయ్యావా ననువిడి రా

వయ్యా నాచెంత కింక వలపులుదీర్పన్

మాటలుముద్దుగ నాడుత

పాటల నేనెన్నొ పాడి పరవశమందన్

బాటలు వేయుదు బావా

దాటకు ననువీడి రంకు దానను జేరన్

వద్దని జెప్పిన వినవే

పొద్దంతయుకూలికనుచు పోయితి వయ్యా

ముద్దుల ముచ్చట లెవ్వియు

మొద్దూ నీతోడ నున్న మురిపెములుడిగెన్