:- "ఆ అదృష్టం... ఎవరిది కృష్ణా.. ?!"(చిత్రకవిత ) కోరాడ నరసింహా రావు !

బాల్యమెంత అందం... 

   బాల్యమెంత ఆనందం... 

     బాల్యమెంత ఉల్లాసం... 

.      బాల్యమెంత ఉత్సాహం !

ఆ బాల్యానందం పొందుటకేనా 

  ఆ ఆనందం అందించుటకేనా 

 నీచిలిపిచేష్టలచూపించుటకేనా

 అందుకేనా కృష్ణా అందుకేనా... 

   నువ్వో రాజుకు కొడుకువైనా 

  జైలులో బంధీవై పుట్టినా...  

  రేపల్లెకు చేరినావు... గొల్లలతో కూడినావు... !?

గోప బాలుడవైనీవు గోపాలురతో ఆడినావు  ... 

 ఆలమంద కాచినావు !

   వెన్నదొంగవైనీవు, మాయలెన్నొ చేసినావు, గోపెమ్మల నాట పట్టించినావు !

పూతనాది రక్కసులను.. 

  ఎందరినో చంపినావు.. 

    గోవర్ధన నెత్తి నీవు... 

    అచ్చెరువొందించినావు !

అల్లరి పను లెన్నొ జెసి.... 

   అమ్మను ఆడించి నావు 

    మట్టి తిన్న నోటనే.. 

    అమ్మకు,  సకల సృష్టి జూపినావు !

 

నిర్మలమౌ బాల్యానందం 

  నిష్కల్మష యాదవులలోనే దొరకుననా... కృష్ణా...., 

   నీబాల్యము నంత నీవు... 

   రేపల్లెలో... యాదవునిగ... 

     బ్రతికినావు... !!

ఇది ఈ యాదవుల ఎన్నెన్ని జన్మల పుణ్యఫలమొకదా !

 ఆ అదృష్టము యాదవులదా.. 

 ఆ స్వచ్ఛమైన ఆనందం తనివితీరా అనుభవించిన నీదా కృష్ణా.... !?

      ***-***