యువతా! నిన్ను నీవు తెలుసుకో!;- - డా.పివిఎల్ సుబ్బారావు. విజయనగరం.

1. ఓ యువతా! 

     మీరే ఈ దేశ భవిత!

   

  మీరే తెలియజెప్పాలి,

        దేశ ఘనత!

 

మిమ్మల్ని మీరు,

 సరిగా మలచుకోవాలి!

 

తప్పనిసరిగా మీరు,

 జీవితాన్ని గెలుచుకోవాలి! 

పదండి ముందుకు,

            పదండి పైపైకి !

ఆదర్శంగా బతికి,

 ఆనందాన్ని పంచేటందుకు!

2.

జీవితం కల కానిది,

                  విలువైనది!

 వరమై వచ్చింది,

         వశం చేసుకోండి!

 

'అభ్యుదయం" లేదు, 

సరిహద్దు, ఆకాశమే హద్దు! 

నిన్న మరవద్దు,

      నేడు ఆగద్దు, 

        చూడు ప్రతి పొద్దు.!

3.

మీకు సమున్నత ,

        లక్ష్యం ఉండాలి!

 

నిరంతరం అలుపెరుగని, ప్రయత్నం ఉండాలి!

 

లక్ష్యం చేరే దాకా,

 ఆగకుండా ఉండాలి!

 బతుకు చిన్నప్పుడు,

    ఆడిన వైకుంఠపాళీ!

 మింగడానికి వచ్చే ,

పాముల పడగలు తొక్కాలి !

పైకి తీసుకెళ్లే నిచ్చెనల,

 మెట్లు గబగబా ఎక్కాలి.!

4.

ఓ వివేకానందుడు! ఓ కలాం! 

నీ కళ్ళ ముందు,

 ఎప్పుడూ ఉండాలి !

యువతా!

 దేశ జనాభాలో ,

   మీరే అధిక శాతం!

 మీ కృషే!

  దేశం సాధించు ,

      ప్రగతి శతశాతం!

*.            *.           *.         *