రంగుల హరివిల్లు... !- కోరాడ నరసింహా రావు.

 చిరు జల్లుకు నీరెండ సోకితే... 
ఏడు రంగుల ఇంద్రధనుస్సై ... 
 తళుకులీనుతుంది... !
  ప్రకృతిలో రమణీయ ఆకృతై మనసును హాత్తు  కుంటుంది !
  ఈ మనిషి బ్రతుకులో.... ఎదురయ్యేకష్ట,సుఖాలూ ,దుఃఖానంద వీర,రౌద్రాది  నవరస భావనలూ... హృదిలో  ఉప్పొంగుతాయి  !!
  
ఆ స్పందనల ప్రతి స్పందనలే మనసును ప్రేరేపించి .... 
ఈ మనిషిని నడిపిస్తాయి... !
     
ఆ ప్రకృతితో ఈ మనిషిది విడదీయలేని బంధము కాదా !?
     ఈ సృష్టికి  కేంద్ర బిందువు... 
 మనిషే కదా..!ఈ మనిషే కదా!! 
    
 తెలుపు  శాంతముకు...       నలుపు  దుఃఖముకు... 
 పసుపు శుభమునకు, ఎరుపు రౌద్రముకు..., సప్తవర్ణములు, ఏడు గుణములకు ప్రతీకలే  నోయ్... !
ఏడు రంగుల ఇంద్ర ధనువులా ఈ మనిషి జీవితము.... ఆహ్లాద భరితముగ సాగాలి !
     ఈ జగతికి ఆనందాన్ని కలిగిస్తూ  సప్తవర్ణ రంజితమై ఈ తనువు... ప్రకృతిలో ఐక్యమై  పోవాలి !!
     *******