* కీర్తి శిఖరాలు *;- కోరాడ నరసింహా రావు.

చిన్నారి - పొన్నారి పిల్లలు 

తియ తీయని పలుకుల చిలుకలు !

  రైమ్స్ పలికే కోయిలలు... 

  బుడి - బుడి నడకల నెమళ్ళు 

నిర్మలమైన నవ్వులు... 

  నట్టింటి చిరు దివ్వెలు... 

  ఆటా, పాటల ఆనందాలు.. 

  మేలిమి బంగరు రూపాలు !

బడికి వెళ్లే పెంగ్విన్ లు..... 

   తరగతిలో విరిసిన మల్లెలు 

  అ ల్లరిలో   చిచ్చర పిడుగులు 

  వీరు  బాల  మేధావులు.. !

వీరెరుగరు పాప  పుణ్యాలు 

 అనుకరణ లో  గొప్ప దిట్టలు 

 ఈ రేపటి భారత పౌరులు... 

  మనదేశ కీర్తి శిఖరాలు.. !!

       ***&***