భావగీతం :-భాషకందనిభావా.. ;- కోరాడ నరసింహా రావు !

పల్లవి :-

       భాష కందని భావా లెన్నో.. 

మదిన   పల్లవించేను..., 

   అవి నీతో పంచుకోవాలని.... 

మనసు తహ - తహ లాడేను!!

       " భాష కందని భావా.... "

చరణం :-

   పండితుడను కాను నేను... 

  అందముగా చెప్పలేను... 

  హృది మౌన రాగాలాపనలతో 

 పరవశించిపోతున్నాను !

 నేను పరవశించిపోతున్నాను!!

      "భాష కందని భావా..... "

చరణం :-

       ;నా మూగ భాషలు నీకు తెలుపగలిగే దెన్నటికో... !

 నన్ను నీ హృదయేశ్వరిగా... 

   చేసుకునే దెప్పటికో... !!

   నీవైనా తెలుసుకోవా.... 

  నీదానిగ  చేసుకోవా..... 

  నాజన్మము ధన్యమయేలా 

  నన్ను కరుణించవా... !

  నన్ను  కరుణించవా... !!

     నన్ను కరుణించవా... !!!

        ******