అన్నదాత..;.. కోరాడ నరసింహా రావు !

గొడ్డుతో  సమంగా గొడ్డులా... 

  నాగలి కాడుకు ఎద్దుతో ఎద్దునై  .... !

         వ్యవసాయం చేస్తున్న... 

బడుగు రైతును నేను.. !

         అష్ట కష్టాలు పడుతున్నా 

  పొలం విడిచి పెట్టలేని..వేరొకపని చేతగాని 

      కర్షకులము మేము.... !!!

   కూడు మాకు కరువైనా.... 

   జనం కడుపులు నింపుకొరకు అహర్నిశలు శ్రమించే... మము

   అన్నదాతలమని పొగిడేరు ! 

మీ పొగడ్తలు, మెచ్చుకోళ్ళు మాకెందుకు నాయనా... !

  మా బ్రతుకులు బాగుపడే దారిచూపితే.... అదేచాలు !!

మాకు వెన్ను దన్నుగా మీరు నిలబడితే చాలు... !

. మేము, మట్టినుండి గొప్ప -గొప్ప పంటలు పండించుతాము !

   అందరికీ బలమైన ఆహారం అందించుతాము !!

;       ********