పరమేశా!- టి. వి. యెల్. గాయత్రి.పూణే. మహారాష్ట్ర.

1.  అణువై జగములు నిండి యాద్యుడవై స

ద్గుణముల్ జనుల కొసంగు దోష నివారా!

క్షణమైనను కనిపించి కావుము దేవా!

మణులేమియు వలదంటి! మా పరమేశా!//

2. ధరయందున నిను బోలు దైవము లేకే

పరమాత్మవనుచు నీదు పాదములే నా

శిరమందున ధరియింతు సేమము నొందన్

సిరులన్నియు తృణ మంటి!శ్రీ పర మేశా!//

3. సురపూజిత!పరమాత్మ!శోధన లేలా!

నిరతంబు నిను భజింతు నిష్ఠగ శంభో!

తరియింపగ!దయ జూపు దైవము నీవే!

పరిపాలక!కరుణించవా పరమేశా!/

4. జగమేలెడి హర!నీదు సన్నిధి చెంతన్

నిగమావళి నిరతమ్ము నిల్చును శంభో!

నగజాపతి!నిను నా మనంబున గొల్తున్

వగబాపగదె!సదాశివా!పరమేశా!//

5. సురగంగను సిగయందు సొంపుగ నీవే

మురిపెంబుగ ధరియించి మోదము తోడన్

జిరునవ్వులు చిలికించు శ్రీకర నిన్నే

వరమే యడగను!కావవా!పరమేశా!//

-------------------------