1. అర్ధనారీశ్వర తత్త్వం ,
విశ్వం సమస్తం !
శివ, శివా ఐక్యమే ,
సమస్త చైతన్యం!
విఘ్నాధిపత్యం,
గణేశుడికే సొంతం!
దేవసేనాధిపత్యం ,
కార్తికేయ సామర్థ్యం !
శివ కుటుంబ స్మరణం,
భవతరణ సాధనం!
2. అతడే జీవన గాన లయ,
చేయగలడు జీవలయం !
ఆ అనుగ్రహం మనం శివం, శవం అవడమూ అనుగ్రహమే!
అది దయతో జనన మరణ, చక్రంలోంచి తప్పించడమే!
నిజంగా అది తాపత్రయ, హరణం విముక్తి కారణం!
మోక్షం అంటే ఇహ బంధ, విముక్తి ,పరమేశ్వర ఆసక్తి!
3. శివనామం పంచాక్షరి,
నమశ్శివాయ రక్షాకరి !
శివ ఆరాధన సదా,
జీవన మంగళకరి!
శివధ్యానం ,
నిత్యానిత్య వస్తు, బోధకరి !
జీవన లక్ష్యం, చేరడం,
శివసాలోక్య దరి !
అంతిమంగా సామీప్యం,
సారూప్యం,సాయుజ్యం,
సిద్ధకరి!
4. నీలకంఠుడు జగాన ,
పరమ పరోపకారి!
స్మశాననివాసి సదాధ్యాన,
వసంత విహారి!
విభూతి ధారి,
సమస్త విభూతికి రహదారి!
గంగా బంధనధారి,
భగీరథ ప్రయత్న సఫలకారి!
శిరాన నెలవంక ,
చల్లని చూపుల ఆనందకారి!
5. తనివి తీరా పిలు,పోయి,
సాంబుడికి చెంబుడు నీళ్లు !
బోలా శంకరుడు భళీ అంటూ,
తప్పక దిగి వస్తాడు!
నీకు మరి రావు,
జీవితాన ఏనాడు కన్నీళ్లు!
ధరణి నేలకొరుగు,
దుఃఖాల మర్రివృక్షాల వేళ్ళు !
మూడింట రెండు,
భక్తకన్నప్పకళ్ళ, ,
కారుణ్యేశ్వరుడు,
మన శ్రీకాళహస్తీశ్వరుడు!
_________
సదా పరమేశ్వరానుగ్రహ
యాచకుడు.
addComments
కామెంట్ను పోస్ట్ చేయండి