భారతీయులం.;- డా పివిఎల్ సుబ్బారావు, 94410 58797..

 1. కాలం వెనక్కి పోతోందా? 
  మతం రాజ్యం ఏలనున్నదా? 
మతములు మాసిపోయాయా? 
జ్ఞానమొక్కటే ,
         నిలిచి వెలుగుతున్నదా?
2. మతాల ముసుగులో,
 జ్ఞానం వెలుగు మసకబారింది!
    మతం వ్యక్తిగతం ,
             ధర్మం సామాజికం !
  ధర్మం ప్రకృతి ,
                   మతం వికృతి !
  చరిత్ర ,మతాల ,
      మారణ హోమాల చితి!
3. మనుషుల్లో,
           సయోధ్యే అయోధ్య !
     నరుడికి షోడశ గుణాలు, 
                  వస్తే రాముడు !
   మన హృదయం ,
             దైవానికి ఆలయం!
 ఈశ్వరుడు ,
        ఆత్మభవుడు ,వాస్తవం!
4. అధికారం ,
            పేక ముక్కల జూదం!
   మతం గెలిపించే,
                 తురుపు ముక్క!
  వ్యసనం ,
      జనాల కుదరని తిక్క!
  సమాధానం, 
       దొరకని పిచ్చి లెక్క!
5. భారత రాజ్యాంగం,
           పరమ ప్రమాణం !
   మత ప్రసక్తి లేని ,
     లౌకిక రాజ్యం ఆశయం! 
  గతాన్ని తవ్వద్దు ,
        మతానికి లొంగద్దు !
శ్రేయో రాజ్యం,
      భారతీయుల లక్ష్యం!
_________