శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

176)మహా ద్యుతిః -

జ్యోతి స్వరూపియైనట్టి వాడు

బాహ్యంతరములలో వ్యాపకుడు

తేజముగలిగియున్నట్టి వాడు

ప్రకాశముగా కనిపించువాడు 

శ్రీ విష్ణు సహస్రనామాలు ఉమా!

177)అనిర్దేశ్యవపుః -

ఇలాగ అని చెప్పలేనివాడు

రూపమును పోల్చలేనివాడు

స్వ సంవేద్యునిగా నున్నవాడు

శక్యం గానట్టి వాడైయున్నాడు 

శ్రీ విష్ణు సహస్రనామాలు!ఉమా!

178)శ్రీమాన్ః -

గొప్ప ఐశ్వర్యవంతుడైనవాడు

సంపదలతో వెలుగువాడు

సంపన్నవంతునిగానున్నవాడు

శ్రీలు తనయండున్నట్టి వాడు 

శ్రీ విష్ణు సహస్ర నామాలు ఉమా!

179)అమేయాత్మాః -

ఊహకు అందనివిధమైనవాడు

అంచనా వేయలేనట్టివాడు

అమేయమైన శక్తియున్నవాడు

అపురూపమైన గురుదేవుడు 

శ్రీ విష్ణు సహస్ర నామాలు ఉమా!

180)మహాద్రిధృక్ః -

పర్వతాలను ధరించినవాడు

గిరిధారిగా నిలిచినవాడు

మందరపర్వతమెత్తినవాడు

గోవర్ధనము నిలిపినవాడు 

శ్రీ విష్ణు సహస్రనామాలు ఉమా!

(సశేషం )