కవిగారి సృజన;- గుండ్లపల్లి రాజేంద్రప్రసాద్, భాగ్యనగరం
మేఘాలను పట్టుకొని
రెండుచేతులతో పిండి
చిటపట చినుకులుచల్లి
కవితాగానం వినిపిస్తాడు కవి

ఇంద్రధనస్సు దగ్గరకెళ్ళి
రంగులను ప్రోగుచేసుకొని
తోటలోనిపూలకు పూసి
అందాలకైతలు చూపిస్తాడు కవి

తారకలను ఏరుకొని
బుట్టలో తీసుకొచ్చి
అక్షరాలకు అద్ది
కైతలను తళతళలాడిస్తాడు కవి

జాబిలికడకు ఎగిరిపోయి
పిండివెన్నెలను పట్టుకొని
పదాలమీద చల్లి
కవనాలను వెలిగిస్తాడు కవి

ఉదయాన్నె మేలుకొని
తూర్పుదిక్కునకు ఏగి
విషయాలపై కిరణాలుచల్లి
కవితోదయం చేస్తాడు కవి

నీలాకాశాన్ని చూచి
అందాలను క్రోలి
ఆనందంలో మునిగి
అద్భుతకవనం కూర్చుతాడు కవి

ఆకాశమంత ఎత్తుకి
సాహిత్యాన్ని తీసుకెళ్ళి
పాఠకులను మురిపించి
పరవశపరుస్తాడు కవి

కవుల మేధోశక్తికి
వందనాలు
భావకవితల సృష్టికి
అభివందనాలు


కామెంట్‌లు
Popular posts
తల్లి గర్భము నుండి ధనము తేడెవ్వడు--ఎం బిందుమాధవి
చిత్రం
రామాయణం‌ నుండి108 ప్రశ్నలు –జవాబులు!:----సుజాత.పి.వి.ఎల్.
చిత్రం
*"కుమార శతకం " - పక్కి లక్ష్మీ నరసింహ కవి - పద్యం 095*
చిత్రం
వినదగు నెవ్వరు చెప్పిన: --ఎం బిందుమాధవి
చిత్రం
సుమతీ శతకం పద్యం (౯౫-95) పుత్రోత్సాహము తండ్రికి పుత్రుడు జన్మించినపుడె పుట్టదు, జనులా పుత్రుని గనుగొని పొగడగ, పుత్రోత్సాహంబు నాడు పొందుర సుమతీ! తా.: ఓ మంచి తెలివి గల, బుద్ధిమంతుడవైన, సుమతీ... ఈ ప్రపంచంలో తండ్రికి కుమారుడు/కుమార్తె పుట్టగానే సంతోషపడతాడు. కానీ ఈ సంతోషం కషణకాలం మాత్రమే వుంటుంది. కానీ అది నిజమైన సంతోషం కాదు,. తన పిల్లు పెరిగి పెద్దవారై, సమాజంలో తమకంటూ ఒక స్థాయి ఏర్పరుచుకుని, నలుగురి చేతా గుర్తింపు పొందినపుడు నిజమైన మానసిక సంతోషం పొందుతాడు తండ్రి ..... ..... అని సుమతీ శతకకారుని వాక్కు. .....ఓం నమో వేంకటేశాయ Nagarajakumar.mvss
చిత్రం