జాతీయ బాలికల దినోత్సవము

 భారతదేశంలో ఆడపిల్లలు ఎదుర్కొంటున్న విద్య, పోషకాహారం, బాల్య వివాహాలు, చట్టపరమైన హక్కులు , వైద్య సంరక్షణ, రక్షణ, గౌరవం వంటి సమస్యలపై అవగాహన  ప్రజలలో కల్పించడానికి జాతీయ బాలికల దినోత్సవము తేది 24-1-2008 నాడు ప్రారంభమై ప్రతి సంవత్సరము జనవరి 24 నాడు జరుపుకోవడము ఆనవాయితి.  ఇది భారత  స్త్రీ, శిశు సంక్షేమ శాఖ ఆధ్వర్యంలో జరప బడుతుంది. 
 ప్రాముఖ్యత:  ఆడపిల్ల అనగానే సమాజంలో చిన్నచూపు చూస్తున్నారు. అంతేకాకుండా కడుపులో బిడ్డ ఆడపిల్ల అని తెలియగానే భ్రూణ హత్యలకు పాల్పడుతున్నారు. పుట్టిన తరువాత అనేక ఆంక్షలు విధిస్తున్నారు. వాటిని నిర్మూలించి ఆడపిల్లలపై ప్రత్యేక దృష్టిసారించే దిశగా చర్యలు చేపట్టడము మరియు వారి సర్వతోముఖాబివృద్ధికి పాటుపడడము.
కార్యక్రమాలు:
1.సమాజంలో బాలికలు ఎదుర్కొన్న సమస్యలు గురించి ప్రజలలో అవగాహన పెంచడానికి జరుపుకుంటారు. బాలిక శిశువు గురించి అసమానత్వం విద్య, పోషణ, చట్టపరమైన హక్కులు, వైద్య సంరక్షణ, రక్షణ, గౌరవం, బాల్య వివాహంల గురించి అవగాహన కార్యక్రమాలు చేపట్టడము
2.సమాజంలో మహిళల పాత్ర అనే అంశంపై అవగాహన కల్పించడము.
3. అమ్మాయిలు సాధారణంగా వారి జీవితంలో ఎదుర్కొంటున్న వివిధ రకాల సాంఘిక వివక్ష, దోపిడీని తొలగించడం.వారి విద్యా , ఆరోగ్యము,  ఉపాధి విషయాలపై అవగాహన కల్పించడము.