106)సత్యః -
సత్యమైన స్వరూపమువాడు
సత్యంలో నిండినట్టి వాడు
సత్యమైన భావనగల్గువాడు
సత్యాత్మికుడు తానైనవాడు
శ్రీవిష్ణు సహస్రనామాలు ఉమా!
107)సమాత్మాః -
సమస్తప్రాణుల సమాదరితుడు
సమముగా వర్తించెడివాడు
సమదర్శిగా యుండెడివాడు
సమముగా వ్యాపించినవాడు
శ్రీ విష్ణు సహస్రనామాలు!ఉమా!
108)సమ్మితః -
భక్తులకు చేరువ అయినవాడు
భక్తికి అధీనుడైయుండువాడు
శరణాగతి చూపించువాడు
భక్తులలోనే లీనమైనవాడు
శ్రీ విష్ణు సహస్ర నామాలు ఉమా!
109)సమః -
సమస్థితిలో నుండగలవాడు
సమాధానం నీయదగినవాడు
సమస్యల తొలగించగలవాడు
సదాలక్ష్మితో విరాజిల్లువాడు
శ్రీ విష్ణు సహస్ర నామాలు ఉమా!
110)అమోఘః -
వ్యర్థముకానటువంటివాడు
భక్తులనాదరించుచున్నవాడు
స్తుతులనాలకించునట్టివాడు
ఫలితము తానివ్వగలవాడు
శ్రీ విష్ణు సహస్రనామాలు ఉమా!
addComments
కామెంట్ను పోస్ట్ చేయండి