శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

231)సంప్రమర్దనః -

తమోగుణులను పీడించువాడు

దుష్టులను అణిచివేయువాడు

క్రూరులను మర్దించగలవాడు

నీచసంహారము చేయునట్టివాడు 

శ్రీ విష్ణు సహస్రనామాలు!ఉమా!

232)అహం సంవర్తకః -

రోజులు చక్కగానడిపించేవాడు

ఉదయాస్తమయాల  కారకుడు 

ఆదిత్యుడు అయినట్టివాడు 

దినదినమునూ భాసిల్లువాడు 

శ్రీ విష్ణు సహస్రనామాలు ఉమా!

233)వహ్నిః -

యజ్ఞములందు జ్వలించువాడు

హోమకుండమునందున్నవాడు

హవిస్సులు మోసెడివాడు 

నిత్యమునూ జ్వలించువాడు 

శ్రీ విష్ణు సహస్ర నామాలు ఉమా!

234)అనిలః -

ప్రకృతిలో నున్నట్టివాడు

వాయురూపమునున్నట్టివాడు

ప్రాణులందు నివసించువాడు

జీవమును యిచ్చినట్టివాడు 

శ్రీ విష్ణు సహస్ర నామాలు ఉమా!

235)ధరణీధరః -

భూ భారమును భరించువాడు

విశ్వమును ఆవహించువాడు

ధరణిని ముట్టెపై మోసినవాడు

వరాహావతారము దాల్చినవాడు

శ్రీ విష్ణు సహస్రనామాలు ఉమా!

(సశేషం )