366)హేతుః -
సృష్టి కారణమయినవాడు
సర్వముకు హేతువైనవాడు
అంతయు నడుపుచున్నవాడు
కార్యకారణమైనట్టి వాడు
శ్రీ విష్ణు సహస్రనామాలు ఉమా!
367)దామోదరః -
దమాది సాధనలున్నవాడు
ఉదారబుద్ధినిచ్చు వాడు
విష్ణువుగా నున్నట్టివాడు
దామోదర నామమున్నవాడు
శ్రీ విష్ణు సహస్ర నామాలు ఉమా!
368)సహః -
సహనము కలిగినట్టి వాడు
సహవాసము జేయువాడు
తోడుగా తాను ఉండినవాడు
సహాయము చేయగలవాడు
శ్రీ విష్ణు సహస్రనామాలు ఉమా!
369)మహీధరః -
భూమిని ధరించినవాడు
ధరణిని ఉద్ధరించినవాడు
ప్రకృతిని నిలుపుచున్నవాడు
జీవులకు రక్షణయైనవాడు
శ్రీ విష్ణు సహస్రనామాలు ఉమా!
370)మహాభాగ్యః -
సిరిసంపదలు ఇచ్చువాడు
భాగ్యవంతుడు తానైనవాడు
ధనలక్ష్మిని కలిగియున్నవాడు
సంపదల కారణమైనవాడు
శ్రీ విష్ణు సహస్రనామాలు ఉమా!
(సశేషం )
addComments
కామెంట్ను పోస్ట్ చేయండి