శ్రీవిష్ణు సహస్రనామాలు బాల పంచపది ఎం. వి. ఉమాదేవి

396)విరతః -

విషయవాంఛలు లేనివాడు

కోరికలకు దూరమునున్నవాడు

విరాగిగా చరించుచున్నవాడు

విమలత్వము కలిగినవాడు 

శ్రీ విష్ణు సహస్రనామాలు ఉమా!

397)మార్గః -

మోక్షమార్గము చూపించువాడు

సరియైన త్రోవనిచ్చు వాడు

భక్తులకు సుపథమునిచ్చువాడు

దారి తానే అయినట్టివాడు 

శ్రీ విష్ణు సహస్ర నామాలు ఉమా!

398)నేయః -

ఆత్మజ్ఞానము ప్రసాదించువాడు

నెమ్మిక కలిగించుచున్నవాడు

ధర్మమును కాపాడువాడు

స్నేహం అల్లుకున్నట్టి వాడు 

శ్రీ విష్ణు సహస్రనామాలు ఉమా!

399)నయః -

జీవులకు గమనమునేర్పువాడు

విశ్వమును నడిపించుచున్న వాడు 

పరమపదముకు చేర్చగలవాడు

సత్యమార్గం తానుగానున్నవాడు 

శ్రీ విష్ణు సహస్రనామాలు ఉమా!

400)అనయః -

తనకు సారధి లేనట్టివాడు 

నడిపించువారు లేనివాడు

తన వర్తనము తానేయగువాడు

స్వయంసారధ్యము వహించువాడు 

శ్రీ విష్ణు సహస్రనామాలు ఉమా!

(సశేషం )