శ్రీవిష్ణు సహస్రనామాలు బాల పంచపది ఎం. వి. ఉమాదేవి

406)పురుషః -

సాంఖ్యజీవుడు తానైనవాడు

పురుషాకృతి ధరించినవాడు

పరమాత్మ స్వరూపమున్నవాడు

పురుషోత్తమ లక్షణమున్నవాడు 

శ్రీ విష్ణు సహస్రనామాలు!ఉమా!

407)ప్రాణః -

చేష్టలను కలిగించుచున్నవాడు

కర్మకారణ చేతననీయువాడు

జీవధాతువు తానైనవాడు

ఉసురును నిల్పుచున్నవాడు 

శ్రీ విష్ణు సహస్రనామాలు ఉమా!

408)ప్రాణదః -

ప్రాణమునిచ్చుచున్న వాడు

జీవశక్తి కారణమైనవాడు

చైతన్యపు రూపునిచ్చువాడు

ప్రాణము ప్రసాదించుచున్నవాడు 

 శ్రీ విష్ణు సహస్ర నామాలు ఉమా!

409)ప్రణవః -

ఓంకార స్వరూపమున్నవాడు

ప్రణవనాదము తానైనవాడు

తొలి ధ్వనిగా యున్నట్టివాడు  

ఉచ్ఛారణలో దివ్యమైనవాడు 

శ్రీ విష్ణు సహస్ర నామాలు ఉమా!

410)పృథుః -

ప్రపంచరూపములో నున్నట్టివాడు

విశ్వమంతటనూ దాగినవాడు

విస్తరణతత్వం కలిగినవాడు

భూమిని ఆక్రమించినవాడు

శ్రీ విష్ణు సహస్రనామాలు ఉమా!

(సశేషం )