శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

426)విస్తారః

సమస్తలోకాలు విస్తరించినవాడు

విశ్వము తనయందేగలవాడు

వెలుగువలే ప్రసరించినవాడు

విస్తారమైన అంశలున్నవాడు 

శ్రీ విష్ణు సహస్రనామాలు ఉమా!

427)స్థావర స్థాణుః -

కదలుట మెదలుట లేనివాడు

ఉన్నచోటనే యున్నట్టివాడు

స్థావరములో నిలిచినవాడు

స్థాణుతత్వంతో నున్నట్టి వాడు 

శ్రీ విష్ణు సహస్ర నామాలు ఉమా!

428)ప్రమాణం-

సకలముకు ప్రమాణమైనవాడు

కార్యక్రమసంబంధమున్న వాడు

ఋజువును చూపించువాడు

సాక్షిభూతుడై యున్నవాడు 

శ్రీ విష్ణు సహస్రనామాలు ఉమా!

429)బీజమవ్యయం -

క్షయంకాని బీజమైనవాడు

హేతువుగలిగినట్టి వాడు

బలమును నిలిపినవాడు

బుద్ధికారణముగా నున్నవాడు

శ్రీ విష్ణు సహస్ర నామాలు ఉమా!

430)అర్థః -

అందరిచే కోరబడిన వాడు

ప్రయోజనం సమకూర్చువాడు

అర్థింపబడుచున్నట్టి వాడు 

అర్థము చేకూర్చునట్టి వాడు

శ్రీ విష్ణు సహస్రనామాలు ఉమా!

(సశేషం )