శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

371)వేగవాన్ -

అమితవేగము గలిగినవాడు

పవనముగా వ్యాపించువాడు

కాలవేగము చూపించువాడు

వేగవంతంగా చరించువాడు 

శ్రీ విష్ణు సహస్రనామాలు ఉమా!

372)అమితాశనః -

అమితమైన ఆకలిగలవాడు

అన్నిటిని జీర్ణించుకొనువాడు

అపరిమిత క్షుత్తున్నట్టివాడు

అమితాశన నామమున్నవాడు 

శ్రీ విష్ణు సహస్ర నామాలు ఉమా!

373) ఉద్భవః -

ప్రపంచం సృష్టిచేసినవాడు

ఉపాదానము అయినవాడు

సృష్టికారణముగా నున్నవాడు

సృజనము చేసినట్టి వాడు 

శ్రీ విష్ణు సహస్రనామాలు ఉమా!

374)క్షోభణః -

సృష్టిని వణికించగలవాడు

యుగాంతము జేయగలవాడు

క్షోభను గలిగించు వాడు

కల్లోలము జేయగలవాడు

శ్రీ విష్ణు సహస్రనామాలు ఉమా!

375)దేవః -

క్రీడించుచున్నట్టి వాడు

వేలుపుతానై యున్నవాడు

దేవతరూపున యున్నవాడు

దివ్య శక్తులు గలిగినవాడు 

శ్రీ విష్ణు సహస్రనామాలు ఉమా!

(సశేషం )