461)మనోహరః -
మనసులను హరించుచున్నవాడు
ఇంపైనట్టి రూపమున్నవాడు
బంగారము వంటిమెరుపున్నవాడు
మనోజ్ఞమైన దివ్యతున్నవాడు
శ్రీ విష్ణు సహస్రనామాలు ఉమా!
462)జితక్రోధః -
కోపమును జయించినట్టివాడు
జితక్రోధుడై యుండినవాడు
కినుకవహించుట లేనివాడు
క్రోధాగ్నిని చల్లార్చగలవాడు
శ్రీ విష్ణు సహస్ర నామాలు ఉమా!
463)వీరబాహుః -
శక్తివంతమైన కరములున్నవాడు
అనేక బాహువులున్నట్టి వాడు
పరాక్రమము చూపించువాడు
వీరత్వము ప్రదర్శించగల వాడు
శ్రీ విష్ణు సహస్రనామాలు ఉమా!
464)విదారణః -
దుష్టులను చీల్చిచెండాడువాడు
యుద్ధము చేయగలిగినవాడు
విదారణము చేయుచున్నవాడు
శత్రువులనోడించగల వాడు
శ్రీ విష్ణు సహస్ర నామాలు ఉమా!
465)స్వాపనః -
తనమాయలో ముంచుచున్నవాడు
ప్రాణులను నిదురింపజేయువాడు
అజ్ఞానములో ముంచగలవాడు
శయనములో పడద్రోయువాడు
శ్రీ విష్ణు సహస్రనామాలు ఉమా!
(సశేషం )
[1:11 pm, 28/03/2024] Umadevi Nelluru: శ్రీ విష్ణు సహస్రనామాలు
ఎం. వి. ఉమాదేవి
(బాల పంచపది )28-3-2024
466)స్వవశః -
తనకి తానే వశమైనట్టివాడు
అంతర్యామిగా నుండినవాడు
లీనస్వభావమున యున్నవాడు
అంతర్గతభావన గలవాడు
శ్రీ విష్ణు సహస్రనామాలు ఉమా!
467)వ్యాపీ -
సర్వత్రా వ్యాపించియున్న వాడు
విశ్వవ్యాప్తంగా నున్నట్టివాడు
ప్రకృతిగా అలరించుచున్నవాడు
పంచభూతములలో నున్నవాడు
శ్రీ విష్ణు సహస్ర నామాలు ఉమా!
468)నైకాత్మా-
అనేకరూపాలలో నున్నవాడు
సర్వప్రాణులును తానయినవాడు
అవతారములు దాల్చుచున్నవాడు
సర్వాత్మకుడై విరాజిల్లువాడు
శ్రీ విష్ణు సహస్రనామాలు ఉమా!
469)నైకకర్మ కృత్ -
సృష్టికర్మలో నిమగ్నమైనవాడు
స్థితిని నిల్పుచున్నట్టి వాడు
లయమును చేసుకోగలవాడు
అనేకక్రియలు తానేచేయువాడు
శ్రీ విష్ణు సహస్ర నామాలు ఉమా!
470)వత్సరః -
సర్వులకు నివాసమైనవాడు
ఏడాదియే తానైనట్టి వాడు
కాలనిర్ణయం చేయగలవాడు
వాత్సల్యరూపుడై యున్నవాడు
శ్రీ విష్ణు సహస్రనామాలు ఉమా!
(సశేషం )
addComments
కామెంట్ను పోస్ట్ చేయండి