381)వికర్తా -
విచిత్రవిశ్వము చేసినవాడు
సమస్త సృష్టికర్తయైనవాడు
లోక సృజన చేయునట్టివాడు
విశ్వచిత్రమును రచించినవాడు
శ్రీ విష్ణు సహస్రనామాలు ఉమా!
382)గహనః -
గ్రహించలేని శక్తిగలవాడు
గుర్తింపును ఎరుగనివాడు
ఎరుగ శక్యముగానట్టివాడు
ఎంచలేని ఘనతలున్నవాడు
శ్రీ విష్ణు సహస్ర నామాలు ఉమా!
383)గుహః -
ఎన్నడు వ్యక్తము కానట్టివాడు
కప్పబడినట్టి మహిమున్నవాడు
మాయచే కమ్మినట్టి వాడు
గుప్తముగా నుండగలవాడు
శ్రీ విష్ణు సహస్రనామాలు ఉమా!
384)వ్యవసాయః -
మానవాభ్యున్నతిజేయువాడు
అభివృద్ధికి కృషిసల్పువాడు
నరులకు సాయపడువాడు
శ్రామికజీవితం తెలిసినవాడు
శ్రీ విష్ణు సహస్రనామాలు ఉమా!
385)వ్యవస్థానః -
సర్వమును నడిపించేవాడు
వ్యవహారములు చక్కబెట్టువాడు
వ్యవస్థను పరికించినవాడు
వ్యవస్థలను నిలుపువాడు
శ్రీ విష్ణు సహస్రనామాలు ఉమా!
(సశేషం )
addComments
కామెంట్ను పోస్ట్ చేయండి