శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

386)సంస్థానః -

గమ్యస్థానము తానైనవాడు

జీవులకు స్థితినిచ్చుచున్నవాడు

సముచిత స్థానమిచ్చువాడు

దివ్యమగు స్థానమిచ్చువాడు 

శ్రీ విష్ణు సహస్రనామాలు ఉమా!

387)స్థానదః -

కర్మలనుబట్టి నిలుపువాడు

సత్కర్మకు సత్ఫలమిచ్చువాడు

బుద్ధిప్రకారం నడిపించేవాడు 

కర్మననుసరించి బ్రోచువాడు 

శ్రీ విష్ణు సహస్ర నామాలు ఉమా!

388)ధృవః -

అవినాశమైనట్టి వాడు

ధృవీకరించబడిన వాడు

స్థిరమైనట్టి చోటున్నవాడు

ధ్రువతారవలే నిలుచువాడు 

శ్రీ విష్ణు సహస్రనామాలు ఉమా!

389) పరర్థిః -

ఉత్కృష్టము అయినట్టి వాడు

పరమర్థించు భక్తులున్నవాడు

దేవతలలో శ్రేష్ఠమైనవాడు

మోక్షమడుగు అర్హతున్నవాడు 

శ్రీ విష్ణు సహస్రనామాలు ఉమా!

390)పరమస్పష్టః -

స్పష్టంగా తెలుసుకోగలవాడు

తేటతెల్లము అయినవాడు

మహిమలు చూపించు చున్నవాడు

భక్తులను అనుగ్రహించు వాడు

శ్రీ విష్ణు సహస్రనామాలు ఉమా!

(సశేషం )