601)శ్రీవత్స వక్షా -
వక్షమందు శ్రీవత్సమున్నవాడు
కోరినవి ప్రసాదించగలవాడు
కామధేనువుగానుండినవాడు
కోరినసంపదలనొసగువాడు
శ్రీవిష్ణు సహస్రనామాలు ఉమా!
602)శ్రీవాసః -
వక్షస్థలమున లక్ష్మియున్నవాడు
పాలకడలియందున్నట్టి వాడు
వైకుంఠమున లక్ష్మితోనున్న వాడు
శ్రీనివాసుడను నామధేయుడు
శ్రీ విష్ణు సహస్రనామాలు ఉమా!
603)శ్రీపతిః -
లక్ష్మిదేవికి భర్తయైనవాడు
సిరులకు పతిగానుండినవాడు
సంపదలకు మూలమైనట్టి వాడు
శుభప్రదుడయి యున్నవాడు
శ్రీ విష్ణు సహస్రనామాలు ఉమా!
604)శ్రీమతాంవరః -
శ్రీమంతులలో శ్రేష్ఠమైనట్టివాడు
సంపదకు వరమొసగువాడు
ధనమును చేకూర్చునట్టివాడు
భక్తులకు సాయమిచ్చువాడు
శ్రీ విష్ణు సహస్రనామాలు ఉమా!
605)శ్రీదః -
భక్తులకు సిరినిచ్చుచున్నవాడు
సంపదలకు మూలమైనవాడు
శ్రీకరము అయినట్టివాడు
ధనమును దయచేయగలవాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి